ڈیجیٹل مارکیٹنگ پراجیکٹ - مراحل ، معاوضے اور احتیاط - نویں قسط ویب سائٹ سروس کے معاوضے اور ای میل مارکیٹنگ
اس میں مختصرا یہ ہے کہ
فی گھنٹ فیس + اپ فرنٹ قیمت جس میں بنیادی اخراجات جیسے ڈومین ہوسٹنگ وغیرہ شامل ہیں + دوسرے کانٹریکٹر کی فیس
اس فارمولے کی چند تفاصیل اور چیدہ باتیں ، درج ذیل ہیں
کام سے پہلے ایک ، دو ٹوک فیس جسے آپ
ایڈوانس بھی کہہ سکتے ہیں وہ لے لیں
up-front
کہا جاتا ہے اسے ، یہ پورے پراجیکٹ کی رقم کا کچھ حصہ ہوتا ہے
یہ تناسب فیصد میں ، کچھ بھی طے کرسکتے ہیں
پاکستانی میں ، میعاری کام کرنے والے ، تیس سے پینتیس فیصد ایڈوانس پہلے لیتے ہیں
وجہ ؟
کلائنٹ موسٹلی چور ہے
ایسا نہیں ہے کہ ، فری لانسر، بہت شریف ہے
اصل میں ، پاکستانی لگا ہے نام کے ساتھ ،تو چوری کنفرم ہے ، ہر کیس میں نہیں ، بلکہ اکثر کیسز میں
کچھ ، کلائنٹس تو بہت ہی اچھے اور ایماندار ہوتے ہیں
جو ایڈوانس مِیں پوری رقم دے کر ، کام لیتے ہیں
ایسے لوگ کم ہوتے ہیں
پھر ڈیپنڈ کرتا ہے آپ کا اپنا تجربہ کیا ہے ، آپ نے مارکیٹ میں کیا اعتبار قائم کیا ہے وغیرہ وغیرہ
خیر، عمومی طور پر ، چونکہ چور معاشرہ ہے ، اس لے
اسی لیے دونوں طبقات کو محتاط رہنا چاہے
کلائنٹ کو ، فری لانسر کی نااہلی سے
فری لانسر کو ، کلائنٹ کی فطرت سے ، زیادہ سے زیادہ کام ، کم سے کم پیسوں میں کروانے کے چکر میں ہوتے ہیں
اور ایڈوانس دے کر ، احسان ایسے کرتے ہیں جیسے رشتہ دیا ہو
خیر
اپ فرنٹ قیمت کے بعد
گھنٹے کے حساب سے چارج کریں
اپ فرنٹ یعنی ایڈوانس فیس میں
اکثر
ڈومین / ہوسٹنگ وغیرہ کی فیس
شامل ہوتی ہے اور کچھ بنیادی اخراجات بھی اگر آپ کام آوٹ سورس کررہے ہیں تو ظاہر ہے جس کو آوٹ سورس کررہے ہیں
اسے بھِی کچھ ایڈوانس ہی دیں گے نا ؟
اس وجہ سے اپ فرنٹ/ایڈوانس قیمت کا تناسب پہلے لے لیا جاتا ہے
ایک چیز اور یاد رکھیں ، ضروری نہیں کہ اپ فرنٹ ایڈوانس قیمت ، آپ مذکورہ ، بالا مد میں ہی لیں ،
یہ محض
"ا س شخص کے ساتھ کاروبار کرنے کا معاوضے" کے طور پر بھی وصول کی جاسکتی ہے
ڈیپنڈ کرتا ہے ، اس کا لیول کیا ہے ، تجربہ کیا ہے ، مارکیٹ میں ، ٹہکا کیا ہے
کام کتنا اچھا آتا ہے وغیرہ وغیرہ
ذاتی طور پر ، تو یہ لائن اگر آپ کسی کو بول دیں
"یہ فلاں قیمت ، میرے ساتھ کام کرنے کا معاوضہ کے طور پر لے رہا ہوں "
تو صرف اسی بات سے کلائنٹ کی جان گردوں میں آجانی ہے ، کیون کہ وہ اکثر آپ کو آپ کی جائز محنت کے پیسے دینے کے موڈ میں نہیں ہوتا، اور اکثر میں نے ، ذاتی طور پر ، کٹوتیاں ، سیاسی مذہبی مداریوں کے ہاں دیکھیں ہیں
یہ سولہ ہزار کا کام کروائِیں گے
اور آدھا کروا کر آٹھ ہزار دے کر
کہتے ہیں ، کہ بس اتنا ہی چائِے
کراچی کے اکثر، مذہبی روحانی سیاسی اور اسلامی نظام کے دلداوں میں یہ بیماری حد سے زیادہ ہے
ان کے ماتھے کا محراب جتنا گہرا ہوگا، ان کی ڈِیلنگ اتنی ہی ہلکی ہوگی
اس لیے انہیں پھر ملتے بھِ انہی جیسے چور دماغ فری لانسر ہیں
بروں کے برے ہی ملتے والا معاملہ ہے
اس لیے فری لانسنگ کی دنیا میں ان سے تو خاص احتیاط کریں
ہرگز ہرگز
"اللہ کا کام سمجھ کر" والے جال میں نہ آئیں ۔
دوسری بات یہ کہ ، جو سروس آپ کلائنٹ کو لے کر دیں ، یعنی ڈومین وغیرہ اول تو جسا کہ پہلے کہا ، کہ وہ خود لے کر آئے تو بہتر ہے
لیکن اگر آپ لے کر دیں تو ، اسے کہیں کہ ہینڈل خود کرے کیوں کہ
پاکستانی کلائنٹ طبقہ ویب سروس کے معاملے میں اتنا جاہل واقع ہوا ہے کہ
ویہ ویب ڈیزائن
ڈیولپ
اپ لوڈ
ڈومین / ہوسٹ ہینڈل کو ایک ہی فیلڈ اور ایک ہی بنددے کی مہارت سمجھتا ہے
اگر آپ ایسا کررہے ہیں تو پھر ان س ہیوی پیسے چارج کریں
ورنہ یہ کام انہی سے کروائیں
اب بات کرتے ہیں فی گھنٹے کے لحاظ سے معاوضے کی
دیکھیں فکس خرچہ یعنی ایڈوانس تو ہوگیا
اب اپنی فی گھنتے کی فیس ڈیزائن ہو یا ڈیولپ ، اس لحاظ سے چارج کریں ، جس لحاظ سے آپ کا فری لانسر/ کانٹریکٹر چارج کرتا ہے
اگر آپ کا کانٹریکٹر ، یک مشت والا ہے ، یعنی فی گھنٹے والا نہیں تو آپ کو اپنی فی گھنٹَ کی کمائی اسی لحاظ سے مینیج کرنی پڑے گی
اس کے ساتھ ساتھ
ڈیزائنر ،کوڈ کرنے والے / ڈیویلپر کے علاوہ آپ کو ایک کاپی رائٹر کو بھی پیسے دینے ہوں گے
عموما اس سروس کے پرائس ، علیحدہ سروس کے طور پر مانے جاتے ہیں
بس مذکورہ تین چار چیزیں ذہن میں رکھیں اور
مذکورہ فارمولے میں رکھ کر معاوضہ طے کرلیں
اس کے ساتھ ہی ، ڈیجیٹل مارکٹنگ کے
دوسرے اہم مرحلے
ویب سائٹ سروس سے متعلق تحاریر کا سلسلہ ختم ہوا
اب بڑھتے ہیں ڈیجیٹل مارکٹنگ کے پانچ اہم ترین اور بنیادی مراحل میں سے،
تیسرے اہم ترین مرحلے
ای میل مارکیٹنگ کی طرف ، جس میں یہ دیکھیں گے ، اس عمل کے معاوضے کیسے طے ہوتے ہیں اور اس سروس میں کیا کیا شامل ہے
بنیادی بات سمجھ لیں کہ ، ای میل مارکیٹنگ کیا ہے پھر اس کے تفصیلات اور معاوضوں کے تعین میں کیا کیا مراحل اور سروس وغیرہ شامل ہوتی ہیں
وہ دیکھیں گے
یہ ڈیجیٹل مارکیٹنگ حکمت عملی کے ایک بڑے منصوبے / پیکج کا ایک اہم ترین مرحلہ ہے
اس کا مطلب ، اپنے کاروبار / کسٹمر سے تعلقات بنائے رکھنے یا نئی پراڈکٹ/ مصنوعات /آفر/خدمات/پیش کش، نئے / ممکنہ کسٹمر/صارف تک پہنچانے کے لیے ، ای میل کا استعمال، دوہزار اٹھارہ کے اعداد وشمار کے مطابق، ایہ اب تک ، بہترین حربہ ہے
جسے ایک اندازے کے مطابق ، سوشل میڈیا ، سرچ انجن آپٹی مائزیشن / ایفی لیٹ مارکیٹںگ وغیرہ سے زیادہ مفید اور موثر قرار دیا جا رہے
اس بات میں کتنی صداقت ہے اس کا دارومدار، اس بات پہ ہے کہ ، آپ جس جگہ ہیں وہاں ، ای میل بھیجنے پڑھنے کا تناسب کیا ہے
کیوں ، کہ اعداد و شمار/تناسب بھی ، ہر ملک کے لحاظ بلکہ نفسیات کے لحاظ سے الگ ہوتے ہیں
پاکستان جیسے ملکوں میں ، ان کا بس نہ چلے ، لوکل مارکیٹ والے ، ہر کام واٹس ایپ پر ہی کرنا چاہتےہیں
وجہ ؟ فری
آسان
سادگی / محنت سے جی چرانا اور کچھ ، اچھا سیکھ کر ، کام کرنے کے بجائے ، ازلی سست دماغ کی وجہ سے ، باقاعدہ پراپر, ،طریقے سے کام نہ کرنے کی عادت، یاپھر ، یوں کہہ لیں کچھ نہ سہی تو ، کم از کم غیر مستقل مزاجی اور اضطراری فطرت کی وجہ سے ، کوئی بھی ڈھنگ کی چیز ، مستقلا سیکھنے سے بچنے والی ذہنیت ، اس لیے ڈنگ ٹپاو ، شارٹ کٹ اور جلدی جلدی نیتجےکی طرف بھاگنے والے فطرت، اس وجہ سے ، بھی ، اکثر، نااہلی کا شکار نظر آتا ہے مارکیٹنگ کا شعبہ ، شوق سے نہیں کریں گے ، ہاں جب دیکھیں گے "آج کل چل رہی ہے یہ والی اسکل سیٹ" تو پھر پاگلوں کی طرح ، دیکھا دیکھی میں سیکھیں ، خواہ دلچسپی ہو یا نہ ہو ، مارکیٹ میں اس کی کھپت ہو یا نہ ہو ۔۔ بہرحال یہ تو ہوئی ایک بات ، دوسری بات یہ ہے کہ واٹس ایپ وغیرہ یا فیس بک اپ بزنس کے لیے بھی آچکا ہے لیکن ایک چیٹ سافٹ وئیر پہ بزنس اور صرف اسی پر ، بزنس سے متعلق ، کام کرنا ، یعنی خود اپنی سکل کو اپ گریڈ نہیں کرنا کہ پراپر کام کیا جائے کہ بس کام چل رہا ہے چلتا رہے تو ، اس لحاظ سے ، پاکستان کا تو نہِں پتا کہ ای میل مارکٹںگ میں کیا حساب کتاب ہے لیکن ، بہرحال ، دیگر ممالک میں ، اعداد شمار، پاکستان جیسے ملکوں سے الگ ہی ہوتے ہیں
یہ بھی ٹھیک ہے کہ ، یہاں بھی ، ای میل مارکٹنگ سروسز کم نہیں لیکن بات وہی ہے کہ ، لوکل بزنس مین ، مفت فیس بک ، مفت واٹس ایپ سے کما کر ، مفت میں کام کرنا چاہتا ہے ، بغیر سرمایہ کاری کیے ، صرف پراڈکٹ پر پیسے لگا کر ، اسے بیچ کر احسان کرنا چاہتا ہے ، اور چاہتا ہے کہ ، مارکٹںگ پہ کوئِ پیسہ خرچ نہ کرنا پڑے
اس لیے بھی یہ حال ہے ، کہ ای میل مارکٹںگ کو بہت زیادہ ، اہمیت لوکل پیمانوں پر نہیں دی جاتی
ای میل مارکٹنگ کیا ہے اور کیسے ہوتی ہے یہ ایک پورا الگ مضمون ہے ، جس کا اس وقت موقع نہیں ،کیوں کہ ، یہ ، بہرحال ، اس کے معاوضے متعین کیسے ہوں سے متعلق تحاریر ہیں
ای میل مارکٹنگ کے معاوضے متعین کرنا تھوڑا سا پیچیدہ ہے ، لیکن جب آپ یہ سمجھ لیں گے کہ اس سروس میں کیا کیا شمال ہے تو پھر دوسرے مراحل کی طرح اس میں بھی کوئی دشواری نہیں ہوگی ،مرحلہ کوئی بھی ہو، مرکزی بات تویہی ہے کہ ، آپ کو، اپنے اخراجات اور اپنی خدمات کی قدرو قیمت ، یا وقعت پتا ہونی چاہئے ، تبھی آپ ، معاوضے کا تعین کرسکتے ہی .
اکثر یہ دیکھا گیا ہے کہ ، نئے نئے کام کرنے والے ، خواہ وہ فری لانسر ہوں یا ڈیجیٹل ایجنسی کے مالک ، وہ ای میل مارکیٹنگ سروسز کی مد میں ، کم معاوضہ لیتے ہیں ، یہ ناتجربہ کاری نہیں ، بلکہ ، وقعت نہ دینا ہے ، آپ اس سروس کے معاوضے بہت کم نہ رکھیں ، کیوں کہ اس کی وقعت زیادہ ہے ایک وجہ اسے "دقیانوسی" طریقہ سمجھا جانے لگا ہے پر آج بھی ای میل کے ذریعے کی گئی جانے والی سیلز/خرید فروخت کا بہت زیادہ ہیں پھر وہی بات کہ ، یہ اس پہ ڈیپنڈ کرتا ہے کہ ، آپ کہاں رہ رہے ہو ، مائنڈ سیٹ کیا ہے ،ای میل کی اہمیت کیا ہے وغیرہ وغیرہ
ای میل کے عمومی فوائد سے قطع نظر، کاروباری معاملات کی بات کی جائے تو، ایک چیز یاد رکھیں ، کہ جس طرح دوسرے فورم یا سوشل میڈیا فورمز پر، آپ کے اور آپ کے ممکنہ گاہک کے بیچ سوشل میڈیا کے اپنے قواعد ضوابط ، حدود موجود ہوتی ہیں ای میل مارکٹنگ میں ایسا نہیں ہوتا خواہ آپ ، اسے اپنی کمپنی کی برانڈ کے لیے استعمال کررہے ہوں ، یا پھر، اپنی خرید و فروخت اور سیلز کا دائرہ کار بڑھانے کے لیے یہ لامحالہ آپ کے بزنس میں بڑھوتری ہی لائے گی
ای میل مارکٹنگ میں ایک قابل غور بات یہ ہے کہ ، ہر ہر ای میل جو ، آپ اپنے قارئین/ممکنہ صارف کو بھیجتے ہیں اس کا ایک خاص مقصد ، ہدف ہوتا ہے ، اپنی کمپنی کی کامیابی کے لیے آپ کو ہر طرح کی ای میل بھیجنے کی ، تکنیکی ضرورت ہے وہ ، سادہ سی رسیدیں بھی ہو سکتی ہیں ، اور ڈائجسٹ کی صورت میں ، ہائی لائٹس اور ایک مجموعہ سا بھی ہو سکتا ہے بہر صورت ای میل مارکیٹنگ ، ڈیجیٹل مارکٹنگ کے اہم ترین مراحل میں سے ہے
ای میل مارکیٹنگ کے معاوضے طے کرنے سے پہلے ، آپ کو ، اصل راز جاننا ہوگاجو کہ یہ والی مارکیٹنگ شروع کرنے سے پہلے ، حقیقی اور درست فیصلے لینے میں پوشیدہ ہے جس میں ، کاپی رائٹر کا انتخاب ڈیزائنر کی ہائرنگ یہ سب کرلیتے ہیں لیکن ، لوگ، ای میل مہمات کا منصوبہ ساز ہائر نہیں کرتے ای میل بنانے والا ، اس ڈیٹا کو مین ٹین رکھنے والا ، یہ سب بھول جاتے ہیں
اس لیے ، پہلے اس مرحلے میں کام کرنے والے ، لوگ سمجھ لیں کہ ، یعنی اس میں افرادی قوت کیا ہوتی ہے اور کس شخص کے ذمے کیا کیا کام ہوتے ہیں
ای میل مارکٹنگ کا منصوبہ ساز یا سٹریٹجسٹ کیا ہوتا ہے ؟ اور وہ کیا کرتا ہے ؟
وہ کسی ایک مخصوص مارکٹنگ/اشہاری مہم کے لیے ، تیار ہونے والی ای میل کی ترتیب طے کرتا ہے کہ کس ترتیب سے کون سی ای میل ، کس مارکٹنگ مہم کا حصہ بنے گی اس کی ذمے داری ہوتی ہے کہ ، وہ ای میل مارکٹنگ کے شروع میں ، طے شدہ اہداف کے حصول کو یقینی بنائے
ای میل مارکیٹنگ مینیجر
یہ وہ شخص ہوتا ہے ، جسے آٹومیٹر بھی کہا جاتا ہے ، یہ کام منصوبہ ساز سے بھی لیا جاسکتا ہے ، کام اس کا یہ ہوتا ہے کہ صارفین کی فہرستیں ، ان کی درجہ بندیاں ، اور ان کے حوالے سے ، مخصوص ای میلز/اشتہاری مہمات کا انہیں حصہ بنانا یہ مانیٹر بھی کرتے ہیں کہ ، کون سی ای ای میل نے ، کس پر کیا اثر کیا ، اور ای میل میں اگر کوئِ لنک موجود ہے ، جو کہ ضرور ہوتا ہے اس پر کہاں سے کتنوں نے کب کب کلک کیا
اگر کوئ ای میل مارکٹنگ مہم / ای میل ٹھیک کام نہیں کررہی ، وہ نتائج نہیں دے رہی ، تو ، ای میل مارکٹنگ مینجر اور ، سٹریجسٹ یعنی مہم کا منصوبہ ساز، دونوں سر جوڑ کر ، ازسر نو حکمت عملی ترتیب دیتے ہیں
ای میل ٹیکنیکشن
یعنی ای ٹی ۔
یہ لسٹ ماسٹر بھی کہلاتا ہے ، اس کا کام فہرستوں کا خیال رکھنا ہے ، یعنی ، ان کو اپ ڈیٹ رکھنا ، صاف کرنا ، یہ کام آسان لگتا ہے ، لیکن یہ اس مرحلے کا بہت ضروری فیز ہے ، یہ شخص ، اس بات کو یقینی بناتا ہے کہ ، آپ اپنے پیسے جس مارکیٹنگ مہم پر لگا رہے ہیں ، وہ ٹھیک ای میل اور اپ ڈیٹڈ فہرستوں پر مشتمل ہے ، اور اہم ترین بات یہ ہے کہ ، ان ای میل ایڈریسز پر موجود صارفین ریسپانس بھِی کررہے ہیں یہ نکتہ بنیادی ہےکیوں کہ ظاہر ہے ، کوئی شخص بھِی ایسی ای میل مارکیٹنگ پر پیسے کیوں خرچ کرے گا ، جس میں موجود صارفین مردار ہوں ، یا کوئِ ریسپانس نہ کرتے ہوں۔
اگلی قسط میں یہ جانیں گے کہ ای میل مارکٹنگ سروسز میں کیا کیا شامل ہوتا ہے
تبصرے
ایک تبصرہ شائع کریں
بلاگ پر تشریف آوری کے لیے ، شکریہ، آپ کی قیمتی رائے شایع کردی گئی ہے۔